Уран гулгалтын эрэгтэйчүүдийн ганцаарчилсан төрөлд Өмнөд Солонгосын тамирчин түрүүллээ

1-р сарын 30, 2024 - 08:41

11 сарын өмнө

0 22

Уран гулгалтын эрэгтэйчүүдийн ганцаарчилсан төрөлд Өмнөд Солонгосын тамирчин түрүүллээ

Өмнөд Солонгосын өсвөрийн уран гулгагч Ким Хюн Гём “Канвон-2024” Залуучуудын өвлийн Олимпын уран гулгалтын эрэгтэйчүүдийн ганцаарчилсан төрөлд алтан медаль хүртлээ. Тэрбээр дөрвөн жил тутам болдог залуучуудын наадмын уран гулгалтын төрөлд түрүүлсэн Өмнөд Солонгосын анхны эрэгтэй тамирчин боллоо.

Өдгөө 17 настай Ким Хюн Гём Каннин хотын “Gangneung Ice Arena” цогцолборт бямба гарагт болсон богино үзүүлбэрийн төрлөөс 69.28 оноо, даваа гарагт болсон чөлөөт үзүүлбэрийн төрлөөс 147.45 оноо буюу нийт 216.73 оноотойгоор нэгдүгээр байр эзэлжээ. Тэрбээр богино үзүүлбэрийн дараа гуравдугаарт эрэмбэлэгдэж байсан боловч чөлөөт үзүүлбэрээр 18 уран гулгагчаас хамгийн өндөр оноо авснаар алтан медалийн болзол хангасан байна. Энэхүү төрөлд Словакийн тамирчин Адам Хагара /216.23 оноо/, Шинэ Зеландын уран гулгагч Яньхао Ли /208.84 оноо/ нар мөнгө, хүрэл медалийн эзэд болжээ. Энэ удаагийн наадам нь Залуучуудын өвлийн IV Олимп бөгөөд Ази тивд зохион байгуулж буй анхны наадам гэдгээрээ онцлогтой. Энэ долоо хоногийн пүрэв гарагт өндөрлөх тус наадмаас Өмнөд Солонгосын баг тамирчид таван алтан медаль хүртээд байна.