Ээлжит бус чуулганыг 02-р сарын 05-нд зарлагдлаа

УИХ-ын намрын ээлжит чуулган нэгдүгээр сарын 17-нд хаалтаа хийсэн. Тэгвэл УИХ-ын ээлжит бус чуулганыг хоёрдугаар сарын 05-нд хуралдахаар тов зарлажээ. Учир нь ээлжит бус чуулган зарлаж, Үндэсний баялгийн сангийн тухай хуулийн төслийг хэлэлцэх юм. Уг хуулийн төслийг хэлэлцсэнээр Эрдэнэс Тавантолгой ХК-ийн ногдол ашиг тараах эсэхийг шийдэх юм. Эрдэнэс Тавантолгой ХК-ийн Бүрэн эрхт төлөөлөгч Ж.Ганбатын хэлснээр 1072 хувьцааны 2022 оны ногдол ашиг 130 гаруй мянган төгрөг хуваарилах тооцоо байгаа бөгөөд Цагаан сараас өмнө тараах эсэхийг ТУЗ-өөр хуралдаж байж шийднэ гэсэн юм. Иймд  ээлжит бус чуулган зарлаж, ажлын 5 хоногт багтаан хуулийн төслийг хэлэлцэхээр төлөвлөжээ.