В.Путин: Е.Пригожин амьдралдаа ноцтой алдаа гаргаж байсан хэдий ч бас авьяаслаг хүн
ОХУ-ын Ерөнхийлөгч Владимир Путин онгоцны ослоор амиа алдсан Евгений Пригожиний үхлийн талаар анх удаа ам нээлээ.
Тэрбээр "Миний мэдэж байгаагаар Пригожин Африкаас ирээд нэг хонож байсан бөгөөд зарим нэг албаны хүмүүстэй уулзсан юм билээ. Би Пригожинийг 90-ээд оны эхэн үеэс хойш мэднэ. Тэр хүнд хэцүү хувь тавилантай хүн байсан. Пригожин амьдралдаа ноцтой алдаа гаргаж байсан хэдий ч бас авьяаслаг хүн, авьяаслаг бизнесмен байсан" гэж хэлжээ.
"Вагнер" цэргийн хувийн компанийн үүсгэн байгуулагч Евгений Пригожиний зорчиж явсан "Embraer" маркийн нисэх онгоц Москвагаас Санкт-Петербургийн чиглэлд нисэж явахдаа Тверь мужийн нутаг дэвсгэрт осолдсон байдаг.
