УИХ дарга асан З.Энхболд: Найман жил барьж чадаагүй метрог МАН бариад 1000 төгрөгөөр явууллаа юу

Улаанбаатар хотод метро барих олон улсын тендерийг өчигдөр албан ёсоор зарласан. Үүнтэй холбоотойгоор олон хүн санал шүүмжлэлээ хэлж буй юм. Тэдний нэг нь УИХ дарга асан З.Энхболд байв. Тэрбээр “Найман жил барьж чадаагүй метрог МАН бариад 1000 төгрөгөөр явууллаа юу" хэмээн нүүр хуудастаа бичсэн юм.Нийслэлчүүд метротой болохыг хүсэж байгаа ч Хотын даргын зөвхөн тендер зарлаж эхэлмэгцээ метрогоор зорчих таслбарын үнийг 1000 төгрөг байна хэмээн зарласан нь иргэдийн эргэлзээг түрүүлсэн юм. Учир нь баригдаагүй байгаа метроны үнийг тогтоосон нь ажил хийхээсээ илүү сонгууль угтсан амлалт шоу биш байгаа гэх хардлага юм. Юутай ч метроны асуудлаар иргэд ойрын өдрүүдэд өөрсдийн таамаг, шүүмжлэлийг хэлсээр байх бололтой.