Ширэнгэн ойн ан амьтад аюултай вирусний голомт руу улам бүр ойртох болжээ

4-р сарын 26, 2024 - 08:19

8 сарын өмнө

0 40

Африкийн Уганда улсад ой мод ихээр тайрч огтолж байгаагийн улмаас ширэнгэн ойн ан амьтад аюултай вирусний голомт руу улам бүр ойртох болжээ.

Тодруулбал, явах газар, идэх хоолгүй болсон амьтад вирусний халдвар тээсэн сарьсан багваахайн ялгадсаар хооллох болсныг судлаачид олж тогтоосон байна. Тэр дундаа ковид-19 вирустэй төсөөтэй 27 төрлийн вирусээр халдварласан ялгадсаар шимпанзе, гөрөөс, сармагчин зэрэг амьтад хооллосоор байна.

Сарьсан багваахайн ялгадас нь шим тэжээл хоол хүнсний дутагдалд орсон амьтдад эрдэс бодисоо нөхөх онцгой хүнс болох тохиолдол байдаг байна.

Эрдэмтэд эдгээр амьтдын идэш тэжээл, сарьсан багваахайн ялгадсыг судалж, Коронавирус, сарс зэрэг вирусүүд амьтнаас хүнд хэрхэн дамжсаныг олж илрүүлэхээр ажиллаж байна гэжээ.