Путины гол өгсөлдөгч Алексей Навальный шоронд амиа алдсанд эмгэнэн гашуудаж эхэлжээ

Харин НҮБ-ын Ерөнхий нарийн бичгийн дарга Антонио Гутерриш Оросын сөрөг хүчний улстөрч Алексей Навальный нас барсан тухай мэдээг сонсоод ихэд цочирдож, “бүрэн, баталгаатай, ил тод мөрдөн шалгах ажиллагаа явуулахыг” уриалжээ. Энэ тухай түүний хэвлэлийн төлөөлөгч Стефан Дюжаррик баасан гарагт мэдэгдсэн байна. НҮБ-ын тэргүүн мөн А.Навальныйгийн ар гэрийнхэнд эмгэнэл илэрхийлжээ. А.Навальный ял эдэлж байсан шорондоо нас барсан гэж Оросын хорих газраас баасан гарагт мэдэгджээ. Түүнийг 2021 оны нэгдүгээр сард Германд эмнэлэгт хэвтсэнийх нь дараа баривчилсан ба тухайд үед тэрбээр хордлогын улмаас эмчилгээ хийлгэж байжээ. Барууны орнууд болон А.Навальныйгийн зүгээс өөрийг нь хордуулсан хэмээн Оросын талыг буруутгаж байсан бол Кремль үүнийг үгүйсгэж байв.