Гурван нүхэн гармыг түр хаалаа
Улаанбаатар хотод үргэлжлэн орж буй борооны улмаас авто замын зорчих хэсэг усанд автах, түгжрэл үүсэх, далангууд сэтэрч ойр орчмын газрууд усанд автах хүндрэлүүд үүсээд байна. Иймд нөхцөл байдалтай холбогдуулан Тээврийн цагдаагийн албанаас нүхэн гармуудын хөдөлгөөнийг түр хязгаарлалаа. Тодруулбал, Нарны зам, Энхтайваны гүүрний зүүн урд талын, Соёолж худалдааны төвийн зүүн талын нүхэн гармуудын хөдөлгөөнийг түр хаасан байна.
Түүнчлэн Нарны замаас Арслантай гүүр хүртэлх Буянгийн зам, Энхтайваны гүүрний баруун урд Петровис ШТС-аас Төв цэнгэлдэхийн баруун хойд тойрог хүртэлх замын хөдөлгөөнийг түр хязгаарлалаа.
