Хятадын цагаан хэрэм сэтэлсэн иргэдийг баривчилжээ

 Хятадын хойд хэсгийн Шаньси мужид байрлах Цагаан хэрмийн нэг хэсгийг  экскаватороор гэмтээсэн хоёр хүнийг Хятадад баривчлан саатуулав гэж тус улсын CCTV телевиз мэдээлэв. Янцянхэ тосгоны хананд цоорхой үүссэн тухай мэдээллийг 8-р сарын 24-нд Юүюү дүүргийн эрх баригчид хүлээн авсан байна.

Мөрдөн байцаалтын дараа цагдаа нар 38 настай эрэгтэй, 55 настай эмэгтэй хүмүүс экскаватор ашиглан ханыг сэтэлж, хананы бүрэн бүтэн, аюулгүй байдалд эргэлт буцалтгүй хохирол учруулсан болохыг тогтоомон байна. Мөрдөн байцаалтын ажиллагаа үргэлжилж байгаа гэж цагдаа нар мэдэгдэв.

Цагаан хэрэмийн  32-р хэсэг нь Мин гүрний (1368-1644) үеийн бүрэн бүтэн хэрэм, харуулын цамхагуудын нэг бөгөөд аймгийн соёлын дурсгалт газруудын жагсаалтад багтдаг аж. Цагаан хэрэм 1987 онд ЮНЕСКО-гийн Дэлхийн өвд бүртгэгдсэн байна.