Гранпри тэмцээнд Б.Ариунцэцэг, Э.Нарангоо, М.Булбул, О.Хулан нар оролцоно
Монгол Улсын нийслэл Улаанбаатар хотноо зургаадугаар сарын 6-7-нд Эмэгтэйчүүдийн дэлхийн гранпри тэмцээн, зургаадугаар сарын 8-9-нд Улаанбаатар дэлхийн их дуулга тэмцээн зохион байгуулагдана. Тус тэмцээнүүд Улаанбаатар хотын төв Сүхбаатарын талбайд болох юм.Эмэгтэйчүүдийн дэлхийн гранпри тэмцээнд шилдгүүд болох Австри, Украйн, Хятад болон Монгол Улсын шигшээ багууд тэргүүтэй найман баг өрсөлдөнө. Харин “Улаанбаатар Дэлхийн их дуулга” тэмцээнд дэлхийн шилдэг мэргэжлийн багууд болох Сербийн ҮБ, АНУ-ын Майами, Нидерландын Амстердам, Швэйцерийн Лозанн болон Монголын Улсын Улаанбаатар ММС Энержи, Сансар, Завхан Сайнскор тэргүүтэй 14 баг өрсөлдөх юм.
Эмэгтэйчүүдийн дэлхийн гранпри тэмцээнд Монгол Улсыг төлөөлөн Б.Ариунцэцэг, Э.Нарангоо, М.Булбул, О.Хулан нар оролцоно.
