ФИДЕ мастер Б.Амин-Эрдэнэ, залуу тамирчин Э.Төгстөгөлдөр нар 18 хүртэлх насны ангилалд түүрүүллээ
Тайландын нийслэл Бангкок хотноо “Биг Рүүк” олон улсын тэмцээн болж өндөрлөлөө. Тус тэмцээнд манай улсаас 5 тамирчин оролцсон бөгөөд ангилалдаа их мастер А.Энхтуул тэргүүн байр эзэлжээ. Тодруулбал, Дотоодын цэргийн 805 дугаар ангийн ахлах ахлагч, “Макс” группийн тамирчин, их мастер А.Энхтуул эмэгтэйчүүдийн ангилалд тэргүүн байр эзэлсэн байна. Харин рапид төрөлд их мастер Г.Мөнхгал 6 оноогоор дэд байрт шалгарчээ. Тэгвэл Монгол Улсын хамгийн залуу аварга, олон улсын мастер М.Амилал нээлттэй ангилалд 4-р байр эзэлсэн байна. Үүнээс гадна ФИДЕ мастер Б.Амин-Эрдэнэ, залуу тамирчин Э.Төгстөгөлдөр нар 18 хүртэлх насны ангилалд түүрүүллээ.
