АНУ-ын цэргийн зургаан хүнтэй нисэх онгоц Японы арлын ойролцоо осолджээ
Японы арлын эрэгт АНУ-ын цэргийн нисэх онгоц сүйрсний улмаас нэг хүн нас баржээ. Лхагва гаригт осолдсон Osprey онгоцонд багийн зургаан гишүүн явж байжээ. Японы эргийн хамгаалалтын албаныхны мэдээлснээр, онгоцны багийн нэг гишүүн олдсон бөгөөд дараа нь нас барсан нь тогтоогдсон - мөн саарал өнгийн хог хаягдал нь онгоцных байсан гэж таамаглаж байна. Тэднийг Якушимагийн зүүн эргээс хагас милийн зайд далайгаас олжээ.
Ослын шалтгаан болон онгоцонд байсан бусад хүмүүсийн биеийн байдал одоогоор тодорхойгүй байна. Лхагва гарагт болсон ослын үед өөр нэг Оспрей арлын нисэх буудалд эсэн мэнд газарджээ. Японы Засгийн газрын Ерөнхий нарийн бичгийн дарга Хироказу Мацуно сэтгүүлчдэд хэлэхдээ "Засгийн газар хохирлын талаарх мэдээллийг баталгаажуулж, хүний амь насыг аврахад нэн тэргүүнд тавих болно" гэжээ. Oспрей бол нисдэг тэрэг шиг хөөрч, газарддаг эрлийз онгоц боловч нислэгийн үеэр сэнсээ урагшаа эргүүлж, онгоц шиг илүү хурдан хөдөлж чаддаг. АНУ болон Японы албаны хүмүүс уг онгоцыг Токиогийн баруун хэсэгт орших Йокота агаарын баазынх гэж мэдэгджээ.
Японд Америкийн 50,000 цэргийн тал орчим хувь нь байрладаг байна. Окинава мужийн амбан захирагч Денни Тамаки сэтгүүлчдэд хэлэхдээ, Оспрейгийн Япон дахь бүх нислэгийг зогсоохыг Америкийн армиас хүснэ гэжээ. Өнгөрөгч наймдугаар сард Австралийн хойд нутгийн эрэгт АНУ-ын Оспрей онгоц осолдож, гурван тэнгисийн явган цэрэг амь үрэгдэж, таван хүн хүнд шархадсан юм. Энэ нь 2012 оноос хойш Marine Osprey-ийн тав дахь осол болж, нийт нас барсан хүний тоо 19-д хүрсэн байна.
