Миний үүргэвчинд тэсрэх бөмбөг байгаа гэж хэлсэн эмэгтэйгээс болж "Шереметьево"-ийн нисэх онгоцны буудлыг түр хаажээ
"Шереметьево"-ийн нисэх онгоцны буудлаас Москва-Ереван чиглэлд нисэх ёстой байсан нэгэн эмэгтэй "миний үүргэвчинд тэсрэх бөмбөг байгаа" гэж мэдэгдсэн тул нисэх буудлын үйл ажиллагааг түр зогсоож, нислэг хойшилсон талаар телеграмм сувагт мэдээлжээ. Энэ дагуу Оросын цагдаа нар нисэх буудалд ирж, мөрдөн байцаалтын ажиллагаа явуулж эхэлсэн гэх мэдээлэл байна.
Харин нисэх онгоцны буудлыг түр хааж, эмэгтэйг шалгаж байгаа аж. Үүнээс болж тус буудлын хуваарьт нислэгүүд түр саатаад байгаа юм.
