Билгийн тооллын 25, Үнэг одтой, шар морь өдөр
НАМРЫН ДУНД ХӨХӨГЧИН ТАХИА САРЫН ДӨРВӨН НОГООН МЭНГЭТЭЙ ШАР МОРЬ ӨДӨР
Аргын тооллын 10 сарын 16, Бархасвад гараг. Билгийн тооллын 25, Үнэг одтой, шар морь өдөр. Тухайн өдөр бар жилтнээ аливаа үйлийг хийхэд эерэг сайн ба луу, хонь, нохой, үхэр жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лусыг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой.
- Үс засуулбал: Нүд бүрэлзэн улцайна
- Наран ургах, шингэх: 07.13-18.03
- Барилдлага:
- Шүтэн барилдлага:
- Суудал: Мод
