Хээрийн түймэр гарч 120 га талбай шатжээ
Дорнод аймагт хээрийн түймэр гарч, урьдчилсан байдлаар 120 га талбай шатсан байна. Онцгой байдлын газрын мэдээлснээр түймрийн дуудлага энэ сарын 6-ны өдөр Баянтүмэн сумын Хотонт багийн Цайдам нуур гэдэг газар /аймгийн төвөөс баруун хойд зүгт 8 км, сумын төвөөс зүүн хойд зүгт 10 км/ газар бүртгэгджээ.
Энэ дагуу аймгийн Онцгой байдлын газрын алба хаагчид, Баянтүмэн сумын Засаг даргын Тамгын газар, Хэрлэн сумын Засаг даргын Тамгын газрын ажилтнууд хээрийн гал түймрийг унтраахаар ажиллаж 22:00 цагт цурамд оруулан, өчигдөр 14:30 цагт бүрэн унтраасан байна.
