XIV Далай ламын том ах 97 насандаа таалал төгсжээ
Далай ламын ууган ах, Төвдийн улс төрч асан Гиало Тондуп өнгөрөгч ням гарагт нас барсныг Далай ламын ажлын алба мэдэгджээ.
Далай лам өчигдөр ахынхаа төлөө мөргөл үйлдсэн байна. Ах Гиало Тондуп нь 97 настай байжээ. Ах дүүс хамтдаа Хятадын нөлөө, хяналттай удаан хугацааны турш тэмцсээр ирсэн байдаг. Тариачны зургаан хүүхдийн ууган хүү болох Тондуп нь насан туршдаа дүүгийнхээ зөвлөх, өмгөөлөгчөөр ажилласан юм. Тэрбээр ах дүүс дундаасаа ганцаар шашинд амьдралаа зориулаагүй нэгэн байжээ.
