Маргаашаас автобусаар зорчихдоо том хүн ₮1000 төлөх бол хүүхэд хуучин тарифаар буюу 200 төгрөгөөр зорчино
Хоёрдугаар сарын 1 буюу маргаашаас автобусаар зорчихдоо том хүн ₮1000 төлөх бол хүүхэд хуучин тарифаар буюу 200 төгрөгөөр зорчино. Ингэхдээ дээрх тарифыг нэг удаа төлснөөр тухайн өдөртөө дөрвөн удаа дамжин суух боломжтой. Зөвхөн зориулалтын U-Money картаар төлбөрөө төлөх бөгөөд бэлэн мөнгөөр болон банкны карт уншуулсан тохиолдолд хөнгөлөлт эдлэхгүй, 1000 төгрөгөөр зорчих аж. Мөн U-Money картаар дамжин суухын тулд буухдаа картаа заавал уншуулсан байх ёстойг холбогдох газраас анхаарууллаа.
