Б.Болд: Надтай холбоотой жаахан асуудал гарвал эрэн сурвалжилдаг нь жаахан онцгүй санагдлаа

ЦЕГ-аас  "Иргэн Б.Болдыг гэмт хэрэгт холбогдуулан эрэн сурвалжилж байна хэмээсэн билээ. Тус газрынхнаас лавлахад "Нэгдүгээр сараас эрэн сурвалжилж байна" хэмээсэн юм.

Дээрх мэдээллийн дараа  Б.Болд цагдаагийн газарт  очиж мэдүүлэг өгсөн байна. Энэ тухайгаа цахим хуудастаа бичлэгээр оруулжээ. "Алга болсон хүн олдсон. Өглөө босоод ирсэн чинь утсанд бөөн дуудлага ирчихсэн байна. Цагдаагийн байгууллагаас эрэн сурвалжилж байна гэх мэдээллийг хэвлэлээр гаргасан тухай хүмүүс хэлсэн. Дөнгөж сая мэдүүлгээ өгөөд гараад ирлээ. Одоо ямар ч асуудалгүй болсон. Нэг л зүйл эвгүй санагдлаа. Намайг дэмжиж, хамтарч ажиллахаар болж байсан байгууллагууд чи чинь ийм хүн байсан юм уу гэх зэргээр ойлголттой болсон байх. Над руу цагдаагийн байгууллагаас иргэний гаргасан гомдлыг дагуу ирж мэдүүлэг өгөхийг аль зунаас эхлээд л хэлж байсан. Харамсалтай нь би хариуцлага алдлаа. Гэхдээ одоо ямар ч санаа зовох зүйлгүй болсон. Цагдаагийнхан нийгэм рүү хандсан ажил дээр хамтарч ажилладаг атлаа надтай холбоотой жаахан асуудал гарвал эрэн сурвалжилдаг нь жаахан онцгүй санагдлаа " гэсэн юм.