Ази тивийн аварга цолд хүрсэн жүдоч Г.Отгонцэцэг иргэншлээ сэргээх хүсэлт гаргажээ
Казахстаны нэр дээрээс барилдан "Рио 2016" олимпын хүрэл, ДАШТ-ий хошой /2017, 2018/ хүрэл медаль, Ази тивийн аварга цолд хүрсэн жүдоч Г.Отгонцэцэг Монголын Улсын иргэншлээ сэргээх хүсэлт өгчээ. Тэрбээр дэлхийн аварга, МУХБ, МУГТ М.Уранцэцэгтэй жин давхацсаны улмаас Казахстан улсын иргэншил авч, тус улсын эмэгтэй жүдогийн бүх л анхдагч том амжилтуудыг гарган, гавьяат тамирчин нь болсон юм. Казахстанд монгол тамирчдын нэр төрийг өндөрт өргөсөн тэрбээр Монгол Улсын иргэншлээ сэргээх хүсэлтээ өгөөд буй аж. Г.Отгонцэцэг өчигдөр болсон жүдо бөхийн жин бүрийн шилдэг зургаан тамирчны цуврал тэмцээнд түрүүлсэн билээ.
