ОУХМ О.Сүлдхүү төрийн дуулалаа эгшиглүүлж, ОУХМ Т.Түвшинтулга мөнгөн медаль хүртлээ
Казахстаны Тараз хотноо Кунаевийн нэрэмжит уламжлалт олон улсын тэмцээн боллоо. Монгол Улсын гавьяат дасгалжуулагч Ц. Баярсайханаар удирдуулсан Монгол Улсын шигшээ баг тамирчдаас нэг алт, 1 мөнгөн медаль хүртлээ.
Эрэгтэйчүүдийн 79 кгд өрсөлдсөн ОУХМ О.Сүлдхүү эзэн орны тамирчин Даулет Ергашийг 7:4 харьцаатай буулган авч төрийн дуулалаа эгшиглүүллээ. Харин 61 кгд өрсөлдсөн Дэлхийн аварга шалгаруулах тэмцээний хүрэл медальт, оюутны дэлхийн аварга, ОУХМ Т.Түвшинтулга мөн эзэн орны бөх Картбайд 5:1 харьцаатай ялагдаж мөнгөн медаль хүртлээ.
