Улирлын гуравдугаар тоглолт болж Ш.Энхийн-Од багтаа хожил авч ирлээ
11 дүгээр сарын 5-нд АНУ-ын NCAA (National Collegiate Athletic Association буюу Оюутны спортын үндэсний холбоо) -ны дээд буюу I дивизионы сагсанбөмбөгийн лигийн тэмцээний 2024-2025 улирлын тоглолт эхэлсэн билээ.
Өнөөдөр /2024.11.13/ улирлын гуравдугаар тоглолт болж Ш.Энхийн-Од багтаа хожил авч ирлээ.
Тодруулбал, АНУ-ын NCAA-ны дээд буюу I дивизионы сагсанбөмбөгийн лигийн тэмцээний гурав дахь тоглолтоо "Queens" багийн эсрэг хийж, 96-65-аар хожлоо. Тус тоглолтод, Ш.Энхийн-Од NCAA D1-ийн карьерийнхаа хамгийн өндөр оноо буюу 19 оноо, 7 самбар, 5 дамжуулалт, 1 хаалт, 1 бөмбөг таслалт хийжээ.
