3x3 сагсан бөмбөгийн эрэгтэй шигшээ баг А хэсэгт тэргүүлж байна
3x3 сагсан бөмбөгийн 23 хүртэлх насны Дэлхийн цомын тэмцээн Польш Улсын Люблин хотноо болж байна. Тэмцээний "А" хэсэгт манай улсын эрэгтэй шигшээ баг эхний тоглолтоо Чехийн багтай хийж 19:18 оноогоор хожсон. Улмаар БНХАУ-ын багтай тоглож 21:9 оноогоор илүүрхэн дараалсан хожил авлаа.
Манай баг одоогийн байдлаар "А" хэсгийг 40 оноогоор тэргүүлж байгаа бөгөөд Нидерланд болон Чили улсын багуудтай тоглох юм.
