Өмнөговь аймгийн Даланзадгад сумыг Алтан гадас одонгоор шагнажээ
Монгол Улсын Ерөнхийлөгч Ухнаагийн Хүрэлсүх зарлиг гарган, улс орны нийгэм, эдийн засгийн хөгжилд бодит хувь нэмэр оруулж, Өмнөговь аймгийн шилдэг сумаар удаа дараа шалгарч байгаа амжилт, бүтээл, сумын ард иргэдийн ажил үйлс, гавьяа зүтгэлийг нь үнэлж Өмнөговь аймгийн Даланзадгад сумыг Алтан гадас одонгоор шагнажээ. Шагналыг Ерөнхийлөгчийн Тамгын газрын дарга Я.Содбаатар гардуулж, сумын төр, захиргааны байгууллагууд болон хувийн хэвшил, ард иргэдэд амжилт хүсэн ерөөв.
