Үхрийн махны үнэ "тэнгэрт" хаджээ
Энэ сарын 22-ны байдлаар Улаанбаатар хотод гол нэрийн зарим хүнсний барааны үнэ өмнөх сараас 2.7%, өмнөх долоо хоногоос 0.3%-аар өссөн болохыг Үндэсний Статистикийн Хорооноос мэдээлсэн. Гол нэрийн хүнсний бүтээгдэхүүнүүдээс өндөг, гурил, мах, төмс, байцай, сонгинын дундаж үнэ гуравдугаар сарынхаас нэмэгдсэн байна. Статистикаас харвал зах, худалдааны төвүүдэд нэг килограмм үхрийн цул махны дундаж үнэ 22,000 төгрөгийг давсан бол төмс 2,000 төгрөгт гарчээ.
