278 мянга гаруй иргэний ЭМД-ын шимтгэлийг төрөөс хариуцан төлжээ
Эрүүл мэндийн даатгалын ерөнхий газраас ЭМД-ын орлого, хамрагдалтын статистик мэдээллийг танилцуулж байна.
2024 оны эхний 8 сарын байдлаар 278.114 нийгмийн халамжийн дэмжлэг, туслалцаа зайлшгүй шаардлагатай өрхийн гишүүн-иргэний ЭМД-ын шимтгэлийг төрөөс хариуцан төлснийг мэдээллээ.
"нийгмийн халамжийн дэмжлэг, туслалцаа зайлшгүй шаардлагатай өрхийн гишүүн-иргэн" гэж Үндэсний статистикийн хороо, нийгмийн халамжийн асуудал эрхэлсэн төрийн захиргааны төв байгууллага хамтран баталсан аргачлалын дагуу өрхийн мэдээллийн нэгдсэн санд орсон, амьжиргааны түвшин нь тухайн үеийн ядуурлын шугамаас доогуур өрхөөс сонгогдсон өрхийн гишүүнийг; хэлнэ хэмээн НИЙГМИЙН ХАЛАМЖИЙН ТУХАЙ хуульд томьёолжээ.
