Зам тээврийн ноцтой осол гарч нэг хүн нас баржээ
Дархан номингийн дөрвөн замын уулзварт өнөөдөр /2024.04.04/ 11:30 цагийн үед зам тээврийн ноцтой осол гарч, хүмүүс бэртсэн байна. Тодруулбал, тус зам тээврийн ослын улмаас хоёр машин эвдэрч, хэд хэдэн хүн бэртэж, гарцаар явсан хүн мөн хүнд гэмтжээ. Гэмтсэн хүмүүсийг Дарханы нэгдсэн эмнэлэгт хүргэсэн байна.
Урьдчилсан байдлаар осол гаргасан приус 20 маркын автомашины жолооч согтууруулах ундаа хэрэглэсэн байжээ. Эмнэлгийн яаралтай тусламжийн тасагт хүргэгдсэн иргэн нас барсан байна.
