Тогтвортой хөгжлийн төлөв байдлын индексээр Улаанбаатар хот сүүл мушгижээ
Тогтвортой хөгжлийн төлөв байдлын үзүүлэлтээр Улаанбаатар хот 100 онооноос 55.5 оноо авч Зүүн Хойд Ази, Төв Азийн долоон нийслэлээс хамгийн бага оноо авсныг “MICC”-ийн тайландаа онцолжээ. Жагсаалтын нэгдүгээрт 87.4 оноогоор Япон улс бичигдсэн байна. Хотуудын индекс оноо нэг хүнд ногдох дотоодын нийт бүтээгдэхүүний бодит хэмжээ буюу эдийн засгийн бодит хөгжилтэй эерэг хамааралтай байгааг тогтоожээ. Улаанбаатар хотын хувьд хамгийн өндөр буюу 72.9 оноог “Жендерийн эрх тэгш байдлыг хангах” зорилт дээр авчээ. Харин “Эдийн засгийн өсөлт, баталгаат ажлын байраар хангах” чиглэлд хамгийн бага буюу 34.9 оноо авсан байна.
Үүнд Covid-19 цар тахлаас үүдэн ажилгүйдэл нэмэгдсэн нь голлон нөлөөлсөн гэж үзжээ. Киргизийн Бишкек, Узбекистаны Ташкент болон Улаанбаатар хотын орлогын түвшин хөгжингүй орнуудынхаас 3-4 дахин бага байгаа нь дундаж оноог бууруулахад нөлөөлжээ.
