Оросын сөрөг хүчний улстөрч Алексей Навальныйн дурсгалыг хүндэтгэхээр цугласан 350 гаруй хүнийг баривчилжээ

Оросын сөрөг хүчний улстөрч Алексей Навальный нас барснаас хойш хоёр хоногийн дараа түүний цогцос хаана байгаа болон хэрхэн нас барсан талаар Оросын эрх баригчид тодорхой мэдээлэл өгөхөөс татгалзсан тухай бид өмнө нь мэдээлсэн. Навальныйн ээж Людмила Навальная болон өмгөөлөгч нь түүний хоригдож байсан IK-3 хорих ангид очсон ч шүүх шинжилгээний хариу гарсны дараа шарилыг өгнө хэмээсэн байдаг.

Амралтын өдрүүдэд Навальныйн дурсгалыг хүндэтгэх арга хэмжээ Оросын олон хотод өрнөж, цагдаа нар хүчээр тарааж байгаа юм. Тухайлбал, Оросын 32 хотод болсон дурсгалын арга хэмжээнд оролцсон 350 гаруй хүн саатуулагдсан гэж хүний эрхийн OVD-Info байгууллагын мэдээлэв. Зөвхөн Санкт-Петербургт л гэхэд 154 хүнд 14 хүртэл хоног хорих шийдвэр гаргажээ.