Онцгой байдлын алба хаагчдын хувцас хэрэгслийг сайжруулахад 25 тэрбум төгрөг зарцуулна
Засгийн газрын хуралдааны шийдвэрийг танилцуулж байна. Энэ үеэр Шадар сайд С.Амарсайхан “Өнөөдрийн хуралдаанаар онцгой байдлын байгууллагын алба хаагчдын хувцас хэрэгсэл, тоног төхөөрөмж, ажиллах орчин нөхцөлийг сайжруулахад 25 тэрбум төгрөг зарцуулахаар шийдвэрлэлээ. Энэ санхүүжилтээр гал унтраахад хэрэглэдэг дрон, робот зэрэг тоног төхөөрөмжийг худалдаж авах ажлыг шуурхай эхлүүлнэ.Түүнчлэн онцгой байдлын алба хаагчдын хүний нөөцийн чадавхыг бэхжүүлэх, алба хаагчдыг сургах, ур чадварыг нэмэгдүүлэх сургалт явуулна гэлээ.
