Монгол Улсын Ерөнхийлөгчийг хятадаар ярьсан мэт хуурамч бичлэг хийсэн хоёр иргэнийг шалгаж байна
Монгол Улсын Ерөнхийлөгчийг хятадаар ярьж байгаа мэт бичлэг олон нийтийн сүлжээнд цацагдсан.
Энэ асуудлаар Ерөнхийлөгчийн Тамгын Газар(ЕТГ)-аас мэдэгдэл гаргаснаа өнөөдөр танилцууллаа.
ЕТГ-ын дарга Я.Содбаатар хэлэхдээ "Үүнд уг үйлдэл нь хоёр улсын харилцаанд ноцтой заналхийлсэн, үндэсний аюулгүй байдлын эсрэг, иргэдийг хагалан бутаргах гэсэн үйл явдал хэмээн тодорхойлсон байна. Түүнчлэн Ерөнхийлөгч хятадаар ярьсан мэт хуурамч бичлэг гарсантай холбоотойгоор хуулийн байгууллагад ханджээ. Одоогоор хэргийг үйлдсэн гэх хоёр монгол хүн болон холбогдох хүмүүсийг олж тогтоон, шалгалтын ажиллагаа явуулж байгаа аж.
Монгол Улсын Ерөнхийлөгчийн нэр төр, халдашгүй байдлыг Үндсэн Хуулиар хамгаалдаг тул хууль хүчний байгууллагууд ажиллаж байна" гэв.
