"Kinder Police"-ийн биед халдсан эмэгтэйг 100 МЯНГАН төгрөгөөр торгожээ
Дүрэм зөрчиж, шаардлага тавьсан "Kinder Police"-ийн биед халдсан эмэгтэйг 100 МЯНГАН төгрөгөөр торгожээ. Олон нийтийн цахим сүлжээнд иргэний цахим хаягаас 2023 оны 11 дүгээр сарын 24-ний өдөр Хан-Уул дүүргийн нэгдүгээр хорооны нутаг дэвсгэрт 53 дугаар цэцэрлэгийн урд замын явган хүний гарц орчим “Сургуулийн Эргүүл”-ийн үүрэг гүйцэтгэж байсан иргэний биед халдсан бичлэг нийтлэгдсэн. Иргэн Н-ийн энэхүү үйлдэл нь Зөрчлийн тухай хуулийн 5.3-д заасан зөрчлийн шинжтэй байх тул зөрчил шалган шийдвэрлэх ажиллагааг явуулж, 100 нэгж буюу 100,000 төгрөгөөр торгож хариуцлага тооцож шийдвэрлэхээр ажиллаж байгаа аж.
