Ким Жон Ун эмэгтэйчүүдийг олон хүүхэдтэй болохыг уриалав
Умард Солонгос барууны орнуудтай худалдаа хийхээс тусгаарлагдсан нөхцөлд эдийн засгаа хадгалахын тулд бие махбодийн хөдөлмөрөөс ихээхэн хамаарах нь. Өмнөд Солонгосын тооцоолсноор Умард Солонгосын хүн ам сүүлийн 10 жилд тогтмол буурчээ. Умард Солонгосын удирдагч Ким Жон Ун тус улсын эмэгтэйчүүдийг олон хүүхэдтэй болохыг уриалсан тухай тус улсын төрийн мэдлийн KCNA агентлаг Даваа гарагт мэдээлжээ. Төрөлтийн түвшин бага байгаа нь эдийн засгийн төлөв байдлыг бууруулж болзошгүй юм.
НҮБ-ын Хүн амын сангийн мэдээлснээр Умард Солонгосын төрөлт 2023 оны байдлаар байгаа нь өндөр хөгжилтэй орнуудын жишигээс доогуур байна.
Хориг арга хэмжээний улмаас барууны орнуудтай тусгаарлагдсан худалдааны харилцаатай байгаа энэ үед Умард Солонгос эдийн засгаа тогтвортой байлгахын тулд бие махбодийн хөдөлмөрт ихээхэн найдаж байгаа юм. Тус улсад 1990-ээд онд өлсгөлөнгийн улмаас төрөлт буурсан гэж үздэг бөгөөд 8-р сард Өмнөд Солонгосын Хьюндай судалгааны хүрээлэнгээс төрөлт бага байгаа нь эцсийн дүндээ Умардын үйлдвэрлэлийн салбарт саад учруулж болзошгүй гэж мэдэгджээ. Өмнөд Солонгос ч мөн адил хойд хөршийн социалист хөршөөсөө өөр шалтгааны улмаас төрөлтийн хямралтай тулгарч байна. Өмнөд Солонгост 2022 онд нэг эмэгтэйд 0.78 төрөлт бүртгэгдсэн нь дэлхийн хамгийн бага төрөлт болжээ. Залуучуудын хөдөлмөрийн зах зээлийн нөхцөл байдал тааруу, Сөүл зэрэг томоохон хотуудад хямд үнэтэй орон сууц дутмаг, урт ажлын цаг зэрэг нь төрөлтийн түвшин доогуур байгаа шалтгаануудын нэг юм.
Өмнөд Солонгосын Ерөнхийлөгч Юн Сук Ёол энэ оны эхээр тус улсын төрөлт багатай асуудлыг "үндэсний чухал хөтөлбөр" гэж нэрлэсэн. Өмнөд Солонгос сүүлийн жилүүдэд нярай хүүхэдтэй гэр бүлүүдэд сар бүр тэтгэмж олгодог байсан ч энэ бодлого нь үндэсний төрөлтөд урт хугацаанд нөлөөлөх эсэх нь тодорхойгүй байна.
