Италийн аралд 24 цагийн дотор 7000 орчим дүрвэгч иржээ
Газар дундын тэнгисийн Лампедуза арал орогнол хүссэн эсвэл хойд зүгт Европын бусад орнууд руу цагаачлах хүсэлтэй хүмүүсийн хамгийн түрүүнд ирдэг цэг юм. Лхагва гарагт Тунисээс хөдөлсөн цагаачдаар дүүрэн завиуд Италийн өмнөд хэсэгт орших жижигхэн аралд ирж буйг таслан зогсоохоор эргийн хамгаалалтын алба хууль бусаар хил давуулагчдын хөлөг онгоцыг саатуулжээ.
Хэдийгээр далайгаар ирж буй цагаачдыг хүлээж авахгүй байхаар барууны удирдагчид шахалт үзүүлдэг ч Европын Холбооны орогнол олгох хууль дүрмийг ч үл тоомсорлон дүрвэгчид хэдэн арван мянгаараа ирсээр л байна гэж euronews өнөөдөр мэдээллээ. Мягмар гарагийн өглөөнөөс эхлэн Сицилийн өмнөд загас агнуур, аялал жуулчлалын арал болох Лампедусад дүрвэгчдийг авч ирж буй завь ар араасаа цувран иржээ. 6800 орчим цагаач 24 цагийн дотор ирсэн нь арлын хүн амаас хэдэн зуугаар давсан тоо болжээ. Арлын цорын ганц цагаачдын оршин суух газар нь 450 орчим ортой тул эрх баригчид цагаачдыг арилжааны гатлага онгоц эсвэл эргийн хамгаалалтын хөлөг онгоцоор Сицили эсвэл Италийн эх газрын өмнөд хэсгийн Калабри руу шилжүүлэхээр шийджээ.
Лампедуза дахь Италийн Улаан загалмайн нийгэмлэгийн хэвлэлийн төлөөлөгч Франческа Базиле хэлэхдээ, тэд Лампедуза дахь төвд байрлах 6,000 цагаачдад "үндсэн үйлчилгээ" үзүүлэхийн тулд "асар их хүчин чармайлт" гаргаж байна. Энэ жил далайгаар 120 мянга гаруй хүн ирсэн бөгөөд тэдний 11,000 гаруй хараа хяналтгүй насанд хүрээгүй хүүхэд байжээ.
