БНСУ руу зорчих визтэй атлаа өдөрт дунджаар 15 монгол иргэн буцаж байна
БНСУ руу зорчих визтэй мөртлөө хилийн шалган дээрээс Монгол иргэд буцсаар байна. Өдөрт дунджаар 15 орчим иргэн буцаж байна гэсэн мэдээлэл байгаа юм. Учир нь БНСУ-ын шалган нэвтрүүлэхийнхэн "Аялал, зорилгоо тодорхойл" гэсэн асуултад бүдэрсэн гэх шалтганаар буцаж байгаа юм байна. Харамсалтай нь энэ дагуу манай улс ямар нэгэн арга хэмжээ авахгүй байгаа юм. Мөн Монгол Улсад суугаа БНСУ-ын Элчин сайдын яамныхан ч виз гаргасаар байна. Харин энэ дунд иргэд замын зардал, визний мөнгөөрөө хохирсоор байна. Үүнийг соёлтой дээрэм гэх үү, юу гэх вэ. Энэ дагуу Монголын Засгийн газар, Гадаад хэргийн яам яагаад доривтой алхам хийж чадахгүй байна вэ.
