Алт түүхэн дээд хэмжээндээ хүрчээ
Алтны үнэ түүхэнд анх удаа унц нь 2100 ам.долларыг давжээ. Энэ талаар Нью-Йоркийн Comex биржийн арилжаанаас авсан эх сурвалжтайгаар Ройтерс агентлаг мэдээлсэн байна.Comex бирж дээр 12 дугаар сарын фьючерс үнэ 17,7 ам доллар буюу 0,85 хувиар өсөж, алтны үнэ унц нь 2107,15 ам.долларт хүрчээ. Мөн мөнгөний үнэ 0,09 хувиар өсөж, унц нь 25,317 ам.долларт хүрсэн байна. Үүнээс өмнө, 11 дүгээр сарын 27-ны өдөр алтны үнэ унц нь 2000 ам.долларыг давсан нь энэ оны тавдугаар сараас хойших хамгийн өндөр үнэд тооцогдож байв.
