"The Hu" хамтлаг Европ, Хойд Америкаар аялан тоглолтоо хийнэ

Хүннү рок урсгалаар дэлхийд танигдсан "The Hu" хамтлагийн Европ дахь аялан тоглолт өнөөдөр буюу энэ сарын 4-ний өдрөөс "Хишигтэн" нэртэй аялан тоглолтоо эхлүүлж байгаа аж.

Энэ сарын 4-26-ны хооронд Финланд, Эстони, Латви, Польш, Герман, Чех, Австри, Итали, Хорват, Швейцар, Франц, Испанид аялан тоглолтоо үргэлжлүүлэх юм байна. 

Европ дахь аялан тоглолтоо дуусгаад Хойд Америкийн нутгаар аялан тоглолтоо үргэлжлүүлэх хуваарь гарчээ. Аравдугаар сарын 12-ноос арваннэгдүгээр сарын 17-ныг дуустал АНУ болон Канадын 27 хотоор тоглолтоо толилуулна. 

Европ дахь аялан тоглолтын тасалбар хотоосоо шалтгаалан 35-45 еврогийн үнэтэй байгаа бол АНУ-д эхлэх тоглолтын энгийн тасалбар 48 ам.доллароос эхэлж буй. Түүнчлэн VIP тасалбар нь 190 ам.долларын үнэтэй аж.