Венецийн кино наадмын дээд шагналыг“The Room Next Door” бүтээлээрээ П.Альмодовар хүртэв
Испанийн кино найруулагч Педро Альмодовар “The Room Next Door” бүтээлээрээ Венецийн олон улсын кино наадмын дээд шагнал “Алтан арслан”-г хүртлээ.
Энэхүү киног энэ долоо хоногийн эхээр Венецийн кино наадмын хүрээнд анх удаа олон нийтийн хүртээл болгох үед үзэгчид 18 минутын турш алга ташин баяр хүргэжээ. 74 настай П.Альмодовар испани хэл дээрх кинонуудаараа 2019 онд Венецийн кино наадмын хүндэт шагналын эзэн болж байсан юм.
Мөн 1999 онд “All About My Mother” киногоороо “Шилдэг гадаад хэл дээрх бүтээл” төрөлд Оскарын шагнал хүртсэн билээ.
