ЗГ-ын нууц чатад сэтгүүлчийг нэвтрүүлсний дуулианы хариуцлагыг М.Уолц өөртөө хүлээж байгаагаа хүлээлээ

Засгийн газрын нууц чатад сэтгүүлчийг нэвтрүүлсэнтэй холбоотой дуулианы хариуцлагыг өөртөө хүлээж байгаагаа АНУ-ын Ерөнхийлөгчийн үндэсний аюулгүй байдлын асуудал эрхэлсэн зөвлөх Майк Уолц мэдэгдэв.

Тэрбээр “Би өөрөө энэ группийг үүсгэсэн, бүх зүйл хэвийн байгаа эсэхийг шалгах ёстой байлаа, энэ бол үнэхээрийн ичгүүртэй хэрэг” гэж тэрбээр телевизийн Fox News сувагт өчигдөр ярилцлага өгөхдөө хэлээд, чатад нэвтэрсэн The Atlantic сонины ерөнхий редактор Жеффри Голдберг бол түүний хувийн танил гэдгийг үгүйсгэсэн байна. 

Ерөнхийлөгч Д.Трамп NBC News сувагт ярилцлага өгөхдөө, нууц группт сэтгүүлчийг нэмж оруулсан хүн бол Уолц гэдгийг дурдаж,  зэрэгцээ энэхүү алдаа нь хуситуудын эсрэг ажиллагаанд нөлөөлөөгүй бөгөөд зөвлөхөө ажлаас нь халах бодолгүй байгаагаа хэлсэн байна.

Мэдээлэл алдагдсантай холбогдуулан Сенат дахь Ардчилсан намын гишүүд "хоёр намын хамтарсан шалгалт" явуулахыг шаарджээ.