Э.Одбаяр: Бидэнд ухуулаагүй данс, сөхүүлээгүй хөнжил, тоолуулаагүй шүд үлдсэнгүй. Хувь хүний нууц, аюулгүй хувийн орон зай гэж огт үгүй болсон!
Э.Одбаяр "Цагдаа, прокурор над дээр дарангуйлагч Оюун-Эрдэнийн гомдлоор 13.14-р хэрэг үүсгээд, араас нь нэмж 461-ээс хүн оргуулсан хэргээр 23.1-р эрүүгийн хэрэг тохоод, өөр эрүүгийн хэрэгт шалгагдаж байгаа хүн дээр үүсгэсэн байсан эрүүгийн хэргүүдтэй нь нэгтгэж хэлмэгдүүлэн эрүүдэж байлаа. 20 гаруй хилс хэрэгт ял шийтгэлүүд оноосон. Хэдэн арван удаа баривчлагдан саатуулагдаж, хууль бус хойшлуулшгүй ажиллагаа явагдав.
АН, МАН-аас сонгогдсон ерөнхийлөгчид, шадар сайд, ЗГ-ын гишүүд ч над дээр гомдол гаргаж заргалдаж шүүхэдсээр ирсэн. Мөн Хууль зүйн сайд нь биднийг орон даяар нүүрсний хулгайн гэмт хэрэгт гүтгэж, ХБХ хийж байв.
Захиалгат хэвлэлүүд, гүтгэлэг тараадаг соошл хаягуудаараа БЗС-аас зээл авч Канадын Торонто их сургуульд сурсан гэж бас гүтгэсэн. Данх, Нянгар нар одоо ч биднийг гадны тусгай албадын санхүүжилтэй, өнгөт хувьсгал хийх гэж байна,-ын санхүүжилттэй, 3 үсэгт, экс Ерөнхийлөгч, ЕС-ын гар хөл гэх мэт түмэн янзаар орос КГБ технолгоиор гүтгэж, хууль бус гүйцэтгэх ажиллагаанууд хийж, мөрдөн мөшгиж, халдлага хийж, амь насанд заналхийлэл хийсээр байгаа! Одоо бидэн дээр зуу зуун зөрчлийн хэргүүд овоолчихсон, тэрбум тэрбумын торгууль ноогдуулахаар улайрч байгаа! Үзэл баримтлал нэг нөхөд маань ч хилс хэрэгт гүтгэгдэж, хэлмэгдэж, ажилгүй болж, хордож, бие нь өвдөж, дарамт заналхийлэл доор амьдарч байна! Бидэнд ухуулаагүй данс, сөхүүлээгүй хөнжил, тоолуулаагүй шүд үлдсэнгүй. Хувь хүний нууц, аюулгүй хувийн орон зай гэж огт үгүй болсон. Татварын шалгалт, тагнуул цагдаагийн дарамт шахалт, төрийн байгууллагын үйлчилгээ ч авч чадахгүй хэмжээнд хүртлээ дарамтлуулж, гэр бүл, ойр дотны хүмүүс маань ч дарамт шахалт, дарангуйлал доор толгой бөгтийчихгүй тэсэж байна!
Дарангуйллын эсрэг зогссоныхоо төлөө дарангуйлагчдад эх орондоо гадуурхагдан нэг ч өдөр тайван байх боломжгүй "АМАРГҮЙ" нөхцөл дунд туучиж байна даа. Энэ дарангуйлал эрх чөлөөт Монгол Улсын ирээдүй хойч болсон залуус дээр хэрэгжиж байгааг дуугүй хараад суухгүй. Огцорцгоо!" хэмээжээ.
