ОУОХ-ны 10 дахь ерөнхийлөгчөөр Кирсти Ковентри тодорлоо
Олимпийн өлгий нутаг Грект болж буй Олон улсын олимпийн хорооны ээлжит 144 дүгээр чуулганы үеэр ОУОХ -ны ерөнхийлөгчийн сонгууль явагдаж, Олимпийн шинэ ерөнхийлөгч тодорлоо. Долоон нэр дэвшигчийн дунд байсан цорын ганц бүсгүй Кирсти Ковентри ОУОХ-ны 10 дахь ерөнхийлөгч төдийгүй энэ өндөр сэнтийд хүрсэн анхны эмэгтэй, түүхэн дэх хамгийн залуу ерөнхийлөгч болж байна. Олимпийн хошой аварга усанд сэлэгч Зимбабве улсын иргэн , 41 настай Ковентри шинэ албандаа ирэх зургадугаар сарын 23-нд буюу "Олимпийн өдрөөр" орох аж.
