''Ноорог'' студийн залуусын дансаар эргэлдсэн гэх 9.3 тэрбум төгрөгийн талаарх баримтыг прокурор зөвшөөрвөл нийтэд дэлгэнэ
ХЗДХ-ийн сайд О.Алтангэрэл "Ноорогийн 6 залуугийн дансаар 9.3 тэрбум төгрөг эргэлдсэн" гэх мэдээллийг өгсөн бол Ноорог студийг үүсгэн байгуулагч О.Уламсайхан "Би 9.3 тэрбум төгрөгтэй, MCS-ээс их хэмжээний мөнгө авдаг байсан бол сая 15-ныхаа цалинг ямар ч асуудалгүй тавьчих байлаа" гэсэн юм.
Тэгвэл Ноорогийн залуусын дансаар эргэлдсэн гэх 9.3 тэрбум төгрөгийн талаарх баримтыг хэвлэлд нээлттэй мэдээлэх талаар цагдаагийн байгууллагаас прокурорт хүсэлт гаргажээ. Хэрэв прокуророос зөвшөөрөл өгвөл уг баримтыг ил болгох юм байна.
