Өнөөдөр Дэлхийн аз жаргалын өдөр: Манай улс Аз жаргалын индексээр 143 орноос 77 дугаарт эрэмбэлэгджээ
Хүн гэдэг амьтан сайн сайханд тэмүүлж, аз жаргалтай байхыг чиг мөрөөдлөө болгодог бодгаль учраас "Аз жаргалын өдөр” гэсэн баярын өдөртэй байх нь зүйтэй гэсэн шийдвэрийгНҮБ-ын Ерөнхий Ассамблейн 2012 оны хуралдаанаар гаргасан. Үүнээс хойш жил бүрийн гуравдугаар сарын 20-ны өдрийг "Дэлхийн аз жаргалын өдөр" болгон улс орнууд зохих хэмжээнд боловсрол ба гэгээрүүлэх хөтөлбөрийг ашиглан тэмдэглэж байх зөвлөмжийг өгсөн байдаг.
Манай улс өнгөрсөн жил Аз жаргалын индексээр 143 орноос 77 дугаарт эрэмбэлэгдсэн. Аз жаргалын индекс оршин суугчдын эрүүл мэнд, дундаж наслалтыг экологийн нөхцөлд харьцуулснаар гардаг. Аз жаргалыг тодорхойлсон нэгдсэн тодорхойлолт байдаггүй. Харин сэтгэл ханамж, тайван байдал, эд баялаг, хувь хүний хувьд алдарших нь аз жаргалд хүрэх арга зам гэх байдлаар тайлбарлах гэсэн энгийн ойлголт түгээмэл байдаг. Зарим улс орон Аз жаргалын яамтай байдаг бөгөөд улсын төсвийн 67 хувийг суулгаж ард иргэдийнхээ оюун санаа, сэтгэл ханамжийг чухалчилдаг байна.
