Засгийн газар томилгоо хийхийн тулд ''Эрдэнэс Тавантолгой'' ХК-д менежерийн шинэ гурван орон тоог бий болгожээ
"Эрдэнэс Тавантолгой" ХК-д ч мөн менежерийн шинэ гурван орон тоог бий болгож МАН-аас "ТV8" телевиз, Сэрүүлэг сониныг үүсгэн байгуулагч, сэтгүүлч С.Баярмөнхийг, АН-аас Ховд аймгийн АН-ын гишүүн Н.Пунцагийг томилоод байна. ХҮН намаас мөн нэг хүнийг менежерээр томилох бөгөөд ХАСХОМ-ийг нь АТГ-т хянаж буй учир хараахан ажлаа эхлүүлээгүй байгаа гэнэ. С.Баярмөнх өмнө нь ЕТГ-ын дарга Г.Занданшатарын сонгуулийн менежерээр ажиллаж байсан Баянхонгорын хүн юм. Мөн "Эрдэнэс Силвер Ресурс” ХХК-ийн Гүйцэтгэх захирлаар ажиллаж байсан билээ. Засгийн газарт хамтарсан гэх үндэслэлээр МАН, АН, ХҮН намын гишүүдийг яам, тамгын газар, агентлаг, дипломат алба зэрэг бүхий л шатанд албан тушаалд томилох үйл явц үргэлжилж байна.
