С.Эрдэнийг дэд консулаар томилохыг эсэргүүцэж, гарын үсэг цуглуулж байна

С.Эрдэнийг АНУ-ын Чикаго хот дахь дэд консулаар томилоод буй.

Тэгвэл, change.org цахим хуудаст Gereltuya Tumurkhuyag нэртэй цахим хэрэглэгч "Чикаго орчмын Монголчууд С.Эрдэнийг дэд консулаар хүлээж авахгүй" агуулгаар гарын үсэг цуглуулж эхэлсэн байна.

Тус өргөдөлдөө "С. Эрдэнийг Монгол улсаас АНУ-ын Чикаго хотод дэд консулаар томилсон шийдвэрээ цуцлахыг шаардаж байна. Үндэслэл:

1. Ардчилсан хувьсгалын анхдагч гэгдэж, 1989 оноос Багануур дүүргийн Ардчилсан намын даргаас эхлээд Ардчилсан намын дарга хүртэл намын улс төрийн алба хашиж, УИХ-ын гишүүнээр 3 удаа сонгогдсон боловч Монгол хүний Монгол улсдаа амьдрах ажиллах боломжийг хулгайлсан;

2. 2004-2008 онд Улсын нийгмийн даатгалын ерөнхий газрын дарга байхдаа нас барсан иргэдийн нэр дээр мөнгө авч зувчуулсан хэрэгт холбогдож байсан;

3. Улс гүрэн төлөөлж чадахуйц Дипломат ёсны боловсрол эзэмшээгүй;

4. Ёс зүйн доголдолтой;

5. Англи хэлний хангалттай мэдлэггүй" гэж дурджээ.

Одоогийн байдлаар 860 хүн гарын үсгээ зуржээ.