Х.НЯМБААТАР: Их Британийн Засгийн газар Улаанбаатар метро төсөлд баталгаа гаргана
Улаанбаатар метроны төсөлд Их Британийн Засгийн газар баталгаа гаргах болсон тухай хотын дарга Х.Нямбаатар өөрийн цахим хуудсаараа мэдэгдэв.
Их Британийн экспортын зээлийн агентлаг UKEF-ээс ирүүлсэн албан бичигт олон улсын болон хувийн хэвшлийн худалдан авагчдад зориулан нийт төслийн өртгийн 85 хувийг арилжааны санхүүжилтээр 100 хувь баталгаажуулах боломжтойг дурджээ. Гэхдээ UKEF-ийн дэмжлэг авахын тулд тухайн төслийн өртгийн 20 хувийг Их Британийн бараа бүтээгдэхүүн, үйлчилгээ, эсвэл биет бус хөрөнгө эзэлсэн байх шаардлагатай гэнэ.
