Оросын царцаагдсан хөрөнгөөс Украинд 2.26 тэрбум фунт олгоно
Оросын хөрөнгөөр баталгаажуулсан 2.26 тэрбум фунтын зээлийг Украинд олгож байгаа тухай Их Британийн Засгийн газар мэдээлжээ.
"Украин шаардлагатай цэргийн техник хэрэгсэл худалдан авахад нэмэлт санхүүжилт авна. Ерөнхий сайд өнөөдөр Украинд нэмэлтээр 2.26 тэрбум фунтын зээл олгож буйг зарлана" хэмээн Засгийн газрын мэдэгдэлд өгүүлжээ.
Дээрх мөнгө нь Оросын битүүмжилсэн хөрөнгийн орлогоос эргэн төлөгдөх Их долоогийн зээлд Британийн оруулж буй хувь нэмэр ажээ. Их долоогийн бүлгээс Украинд өгч буй нийт зээл нь $50 тэрбум доллар болох юм.
