55 настай Г согтуурсан үедээ хөршүүдээ хог ил задгай хаялаа хэмээн бухимдан гурван удаа хий бууджээ
Баянгол дүүргийн 30 дугаар хороонд байрлах орон сууцны цонхоор галт зэвсгээр буудсан бичлэг цацагдсан. Энэ дагуу цагдаагийн байгууллага ажиллагаа явуулж тухай иргэнийг саатуулж шалгасан байна. Шалгалтаар 55 настай, эрэгтэй Г нь согтуурсан үедээ буудсан байна. Тэрбээр үүнийгээ тайлбарлахдаа "Хөршүүдээ ил задгай хог хаялаа" хэмээн уурлаад дээрх үйдлийг гаргасан гэжээ. Тэрбээр гэрийнхээ гал тогооны тагтны цонхоор карабин маркийн буугаар 3 удаа буудсан болохыг тогтоосон байна.
Тухайн үед гэмтсэн иргэн байхгүй, өөр хэн нэгэн түүнтэй хамт байгаагүй байна.Түүнийг галт зэвсэг ашигласан, олон нийтийн амгалан тайван байдал алдагдуулсан гэх үйлдэлд буруутгах бололтой.
