13 настай охиныг хүчирхийлсэн гэх хэргийн албан хаагч нарын удирдлага болох Ж.Энх-Одыг ажлаас нь чөлөөллөө
Сэлэнгэ аймгийн цагдаагийн газрын дарга, хурандаа Ж.Энх-Одыг үүрэгт ажлаас нь чөлөөлжээ. Учир нь түүний удирдлага доорх албан хаагчид 13 настай охиныг хүчирхийлсэн хэрэгт холбогдоод байгаа. Улмаар өчигдөр Ерөнхий сайд Л.Оюун-Эрдэнэ ЦЕГ-ын дарга Т.Сүхболдод үүрэг чиглэл өгсний дагуу ажлын хэсэг Сэлэнгэ аймагт ажилласан бөгөөд уг албан хаагчдыг баривчилсан талаар бид өмнө нь мэдээлсэн. Хэрэгт сэжиглэгдэж буй алба хаагчийн нэг нь Сэлэнгэ аймгийн цагдаагийн газрын дарга Ж.Энх-Одын жолооч байсан гэх мэдээлэл ч гарсан. Энэ мэт асуудалтай холбогдуулан Сэлэнгэ аймгийн цагдаагийн газрын дарга, хурандаа Ж.Энх-Одыг ажлаас нь ийнхүү чөлөөлөх шийдвэр гарсан байна.
