Өмнөговь аймагт хоёр эмэгтэй бохирын худагт унаж, амь насаа алджээ
Цагдаагийн байгууллагад 2023 оны аравдугаар сарын 20-ны өдрийн 04 цаг 40 минутад Өмнөговь аймгийн Ханбогд сум, Хайрхан V баг Цагаан хад суурьшлын бүсэд “Бохирын цооногт хоёр хүн унасан” гэх дуудлага, мэдээлэл бүртгэгдсэн байна. Тус аймгийн цагдаагийн газраас шалгахад 33-51 насны хоёр эмэгтэй “Э” гэх компанийн бохирын худагт унаж, амь насаа алдсан байжээ. Уг хэрэгт аймгийн цагдаагийн газраас мөрдөн шалгах ажиллагаа явуулж байна.
