Шүүгчийн сонгон шалгаруулалтын бүртгэл дуусахад 1О хоног үлдлээ
Анхан болон давж заалдах шатны шүүхийн шүүгчийн сул орон тооны сонгон шалгаруулалтын бүртгэл дуусахад 10 хоног үлдсэн байна. Энэ талаар ШЕЗ-өөс мэдээллээ. Тус мэдээлэлд "Бүртгэлийн материалыг 2024 оны 10 дугаар сарын 04-ний өдрийн 17.00 цаг хүртэл хүлээн авна. Дээрх хугацаанд зард дурдсан баримт бичгийг цахим хэлбэрээр https://selection.judges.mn/ цахим системээр, цаасан хэлбэрээр Шүүхийн ерөнхий зөвлөлийн байр, 104 тоот танхимд ирүүлнэ үү" гэжээ.
Шүүхийн ерөнхий зөвлөл энэ онд анхан шатны шүүхийн шүүгчийн 7, давж заалдах шатны шүүхийн шүүгчийн 2, нийт 9 сул орон тоонд сонгон шалгаруулалт зарласан юм.
