835 мянган ам.долларыг 17 суралцагчийн хувийн данс руу шилжүүлжээ
БЗС-гаас гадаадын их, дээд сургуульд зээлээр суралцаж байгаа оюутны сургалтын төлбөрийг тухайн хүний хувийн дансанд шилжүүлсэн зөрчлийг арилгах талаар АТГ-аас 2022 оны нэгдүгээр сарын 7-ны өдрийн 02/353 дугаартай албан бичгээр мөрдөгчийн мэдэгдэл хүргүүлсэн бөгөөд өнөөдрийг хүртэл тодорхой үр дүнтэй арга хэмжээг аваагүй байна.
Учир нь зээл олгогдож байгаа сургуулийн төлбөрийг тухайн сургуулийн дансанд шилжүүлэх ёстой. Гэтэл гадаадад зээлээр сурч байгаа болон суралцсан нэр бүхий 17 хүний сургалтын төлбөр болох 835 мянга 173 ам.долларыг тэдгээр иргэдийн хувийн дансанд шилжүүлсэн байна.БЗС-гаас иргэний сургалтын төлбөр, замын зардлыг шилжүүлэхдээ холбогдох их, дээд сургуульд илүү шилжүүлсэн бөгөөд төлбөрийг буцаан төлүүлээгүй байна. Тодруулбал, 2015-2016 онд сангаас нэр бүхий гурван оюутны замын зардалд нийт 187 сая 301 мянган төгрөгийг илүү шилжүүлснээс 6 сая 546 мянган төгрөгийг буцаан төлүүлээгүй байгаа юм.
